Niba wifuza kugira amaso meza dore ibiribwa byagufasha.

Amaso y’umuntu ni urugingo rukomeye cyane rumufitiye akamaro k’intagereranywa, akaba ari muri urwo rwego hagiye gutangazwa ubwoko bw’ibiribwa bifasha umuntu kugira amaso mazima atarwaragurika kandi ari umweru.

Muri ibyo biribwa harimo imboga za epinari, karoti, ibijumba, inyanya n’ibigori, byifitemo ubushobozi bwo koza amaso ndetse no kuyungurura amaraso atembera mu maso, bityo umuntu akagira amaso yererana de.

Akamaro ka buri kiribwa ku maso

Imboga za epinali ni ingirakamaro ku buzima bw’amaso kuko zoza imbone iyo iriho imyanda ndetse zirinda amaso indwara z’ibyuririzi zifata amaso.

Karoti ikungahaye kuri Vitamine A, yoza amaso kuko uzirya amaso ye ahora aretsemo amazi bigatuma amaso ye ahinduka urwererane.

Ibijumba ni ingirakamaro ku maso kuko bikungahaye kuri vitamine A na C, zifite akamaro ko kurinda amaso indwara.

Inyanya nazo ni ingirakamaro ku maso kuko zoza imboni y’amaso kugira ngo idahuma ndetse n’ibindi bice by’amaso bifasha umuntu kubona neza, niyo mpamvu buri wese agirwa inama yo gufata ku ifunguro rye rya buri munsi inyanya.

Ibigori by’umuhondo ni ingirakamaro ku maso y’abantu, kuko bifasha amaso gusa neza cyane.

Doriane/Murukali.com